«КМ 1. Оқушылардың оқу іс-әрекетінің моделін құру» модулі бойынша 29 қаңтар күні ШК-22-9 тобында аралық емтихан өткізілді. Аталған емтихан түрі болашақ бастауыш сынып мұғалімдерінің теориялық білімді меңгеру деңгейін және кәсіби құзыреттерінің қалыптасуын бағалауға бағытталды.
Студенттер ОН 1.1. Бастауыш білім беру педагогикасы мен әдістемесінің теориялық және практикалық негіздерін кәсіби қызметте қолдану (Педагогика), ОН 1.2. Жас ерекшеліктерін ескере отырып, оқу үрдісіндегі психикалық процестерді, психикалық қасиеттерді, психикалық жағдайларды сипаттау (Психология), ОН 1.3. Жаңа педагогикалық технологияларды қолдана отырып сабақтарды жоспарлау және өткізу (Жаңа педагогикалық технологиялар) пәндері бойынша емтихан тапсырды.
Емтихан барысында білім алушылар бастауыш білім беру саласындағы негізгі педагогикалық және психологиялық ұғымдарды меңгергенін, оқу-тәрбие процесін ұйымдастырудың ерекшеліктерін түсінетінін көрсетті. Сонымен қатар, олар оқушылардың жас және жеке ерекшеліктерін ескере отырып, сабақ құрылымын жоспарлау, тиімді оқыту әдістері мен жаңа педагогикалық технологияларды қолдану дағдыларын дәлелдей алды.
Аралық емтихан студенттердің оқу материалын терең түсінуін, кәсіби ойлау қабілетін, теориялық білімді практикалық жағдаяттарда қолдана білуін және өз ойларын сауатты әрі жүйелі түрде жеткізуін бағалауға мүмкіндік берді. Бұл болашақ бастауыш сынып мұғалімдері үшін аса маңызды, себебі бастауыш білім беру оқушылардың тұлғалық дамуы мен оқу мотивациясын қалыптастыруда шешуші рөл атқарады.
Осылайша, «КМ 1. Оқушылардың оқу іс-әрекетінің моделін құру» модулі бойынша өткізілген аралық емтихан студенттердің кәсіби даярлық деңгейін анықтаудың тиімді құралы екенін және бастауыш білім беру педагогикасы мен әдістемесі мамандығы бойынша тәжірибеге бағытталған ойлауын қалыптастыруға ықпал ететінін көрсетті.
Топ жетекшісі: Дукенбаева Г.Е.
Комментарии